Pun taun tu tadi kami menyanak berasai amat gaga ati,sida apai enggau indai lalu enggau menyadi aku mega bisi nemuai enda lama asuh kami menyanak di Kelantan ditu.Taja pan semina 2 malam aja sida iya ditu,tang udah tepantup ga pengelengau ati kami menyanak baka ke ngelama tu.Indai aku enggau menyadi aku nadai tak berupai endar ga bisi insur,agi mengkang bedau baka selama.Tang datai ba apai aku,aku nyau berasai sinu amat ati,nyangka ketegal 2 taun aku nadai kala meda apai aku kini......apai aku berupai endar udah jauh berubah,nyau nampak amat tudah tuai iya nyau tuai....sekumbang ke 2 taun tu ke nadai pulai,kami menyanak endang nadai kala betemu enggau apai aku,semina bisi ninga nyawa pangan diri ari talipaun aja.Indai aku suah udah nemuai asuh kami menyanak kitu,laban ke indai enda tentu ulih tat ke tudah kini ati,nyangka nya ngasuh iya suah agi ulih nemuai.Menyadi aku Kelvin nyau makin bujang,nyau bisi berisi agi ari ke suba.Laban ke udah kereja nyamai meh nya kini.....nyangka nya nyau berisi agi.Kelvin tu siko ari "injin nyur" kitai Iban ba Bakun.Ba pun penatai sida iya,bala anak aku agi ka takut taku.Tang nyau kepemuas iya udah nya nadai agi ga seduai dipeda aku takut.Puas ati apai indai enggau menyadi udah nemuai.............
-