SOPHIA SIMBA ENGGAU ERNEST VINSON BANYAN

Sekeda ari gambar bala anak setaun ti udah lalu......

SOPHIA SIMBA ENGGAU MUA NADAI TUCHUM

Anak dara aku tu sigi rindu begambar,sebut ke begambar macam macam gaya ulih dibantai ke iya.Nyangka ngumba ke tudah indu kini.......

ERNEST VINSON BANYAN BEDAU TAU BEJALAI

Lebuh tudah tuai agi maya tu suba,semimit pan nadai kala nyangka meh kami duai indai tuai,Ernest Vinson Banyan tu manchal amat.Iya maya nya suba ati diri semina nyabak enti perut lapar aja.

LEBUH KE NEMUAI ASUH UNIT K9 KOTA BHARU

Bai ati ke lama udah balat rindu meda bala ukoi ke bisi begulai enggau bala polis kitai gawa ngelama tu,dia kami menyanak enda muai peluang lebuh ke dibai siko ari kaban ke nyadi polis ba unit K9 meda ukoi dia.Samuel tauka Apai Acher,iya bisi pengalaman enda kurang ari 6 taun ba unit K9 tu.Akai naka ga pengaga kami kami menyanak meda bala ukoi nyau memanah manah gamal iya.Tang kami menyanak semina berani begambar enggau siko aja,iya nya ukoi dikena polis nasat bom.Iya ke bukai enda berani wai........nyau besai besai,iya ga mangah......ukoi bom tu jinak,ka dibai betundi.Gambar ke dibaruh tu diambi urung iya pun taun 2008 nyin kemari,ba unit K9 Kota Bharu.Nasib amat bisi bekaban enggau bala polis.

NEMUAI KE TERENGGANU NUJU BUKIT PUTERI ENGGAU PANTAI BATU BURUK BEGULAI ENGGAU ROSI SEDUAI DATIN IYA

Kami sebuat ke nemuai asuh Terengganu tu suba aku enda ingat ke agi ni maya ari bulan iya.Tang tuju kami ke kin suba semina deka nguji kereta baru Rosi@apaiqumang diatu.Laban ke nadai tentu nemu menoa dia,suah agi kami sebuat ke tesat.Bukit Puteri enggau Pantai Batu Buruk tu kena pansa lebuh ke tesat.Sambil ke tesat sambil ke ngetu ngambi gambar dulu ga kami sebuat.Nyau teberunsai meh bala gamal kami sebuat ke ngambi gambar,nadai tentu menuku ketegal ke lelak begiga ke jalai.

SIMBA ENGGAU BANYAN BARU TAU DUDUK

Lebuh maya nya suba,anak bujang aku Ernest baru nemu duduk,tang mesti disukung tauka bisi kitai ari tisi.Laban ke bedau ulih ngering ke diri amat.Sophia sigi udah nemu jengkak jengkak,semina agi ka di peda peda belama,laban agi ngembuan ati cemburu bisi adi.Nangi ke iya ngereja ke Ernest enti enda di awas.Sigi gaya anak,tang saritu nyau kuru semengat mega,nadai penangi agi,seduai nyau ulih begulai betundi sama.

NEMUAI KE RUMAH APAIQUMANG

APAISIMBA SEMENYANAK LEBUH KE NEMUAI ASUH APAIQUMANG



SOPHIA SIMBA NGENAT KE DIRI DEKA DIGAMBAR,NYAU BAKA KITAI KA BELAGU NEGARAKU



ENDA ALAH TAT KE AGI......NYA IYA KA NGESAI KE BULU SIGA.....



SOPHIA SIMBA BEGULAI ENGGAU MENYADI IYA ERNEST VINSON BANYAN



GAYA ERNEST NGEMUJANG KEDIRI


Tu bisi cherita iya empu lebuh ke nemuai asuh Apaiqumang maya nya suba,ukai ketegal ka begambar.Benung kami menyanak ke dia,dia deh memunyi msg hp aku.......peda aku msg datai ari aya di menoa.Iya minta gambar kami menyanak,laban ke lama udah enda betemu.Nyangka nyau lelengau meh nya kini,kelebih agi sida balat ka meda anak aku,ka meda bakani ko gamal seduai iya diatu.Nama deh sempat posing maut meh kami menyanak dia.